Հայաստանում փոփոխություններ կարող է բերել միայն Սամվել Կարապետյանը։ Այս մասին «Հեռանկար» հաղորդման ժամանակ ասել է «Ուժեղ Հայաստան» կուսակցության քաղխորհրդի անդամ Նարեկ Կարապետյանը։
«Հայաստանն ունի 2 այլընտրանք․ կամ Փաշինյանի հետ շարունակում է այս խեղճացած և ամենօրյա «անակնկալներով» լի ժամանակաշրջանը կամ ընտրում է ուժեղ, նոր ղեկավար, ով մեր երկիրը կհանի աղքատությունից, որը վերջապես կլուծի աշխատատեղերի հարցը մեր երկրում, կկենտրոնանա մարդկանց խնդիրների վրա, ոչ թե ամբողջ օրը հակադրություններով նոր կոնտենտ կտա քաղաքական դաշտին, բայց որը մարդկանց համար որևէ օգտակար բան չի ապահովի։ Այդ իսկ պատճառով մեր հասարակությունը 2 այլընտրանք ունի․ Սամվել Կարապետյան կամ Փաշինյան»,- ասել է նա։
