Եթե Հայաստանը միանա Եվրամիությանը, կկորցնի Ռուսաստանի հետ ավիահաղորդակցությունը։ Այդ մասին հայտարարել է ՌԴ փոխվարչապետ Ալեքսեյ Օվերչուկը։
«Ներկայումս Եվրամիության երկրների հետ ավիահաղորդակցություն չկա, ինչը նշանակում է, որ մենք Հայաստանի հետ ավիահաղորդակցություն չենք ունենա», – ընդգծել է նա «Առաջին ալիք»-ի եթերում։
Օվերչուկը շեշտել է, որ Հայաստանի քաղաքացիները պետք է տեղյակ լինեն ԵՄ-ին մերձենալու Երևանի որոշման հնարավոր հետևանքների մասին։
«Սա կարող է շատ կոպիտ հնչել, բայց մենք ուզում ենք, որ Հայաստանի մարդիկ հասկանան, որ եթե դա տեղի ունենա, դա տեղի կունենա, քանի որ որոշումներ են կայացվել Եվրամիությանը մերձենալու համար», – ասել է նա։
Միևնույն ժամանակ, ըստ Օվերչուկի, Հայաստանի ԵՄ-ին միանալու վերջնական հետևանքները մնում են անհայտ։
