Սաուդյան Արաբիան Բահրեյնի հետ կապող ռազմավարական նշանակության Քինգ Ֆահդի կամուրջը փակվել է այսօր վաղ առավոտյան՝ Իրանի կողմից հնարավոր հարձակումների սպառնալիքի ֆոնին։
Կամուրջի կառավարման մարմինը հայտարարել է, որ տրանսպորտային երթևեկությունը ժամանակավորապես դադարեցվել է՝ որպես կանխարգելիչ միջոց, կապված Սաուդյան Արաբիայի արևելյան նահանգը թիրախավորող հնարավոր հարձակումների վտանգի հետ։
Մոտ 25 կմ երկարությամբ այս կամուրջը Բահրեյնի համար միակ ցամաքային կապն է Արաբական թերակղզու հետ։ Երկիրը նաև հյուրընկալում է ԱՄՆ ռազմածովային ուժերի 5-րդ նավատորմը, ինչը ավելի է ընդգծում ենթակառուցվածքի ռազմավարական նշանակությունը։
Փորձագետների կարծիքով՝ այս քայլը վկայում է տարածաշրջանում անվտանգության իրավիճակի կտրուկ վատթարացման մասին և կարող է լրացուցիչ ազդեցություն ունենալ ինչպես ռազմական, այնպես էլ տնտեսական կայունության վրա։
