ԱՄՆ նախագահ Դոնալդ Թրամփ-ը հայտարարել է, որ Վաշինգտոնը պատրաստվում է սերտ համագործակցել Իրանի հետ՝ նշելով, որ երկրում տեղի ունեցած քաղաքական փոփոխությունները կարող են լինել «արդյունավետ»։ Նրա խոսքով՝ Իրանը չի իրականացնի ուրանի հարստացում, իսկ ԱՄՆ-ը կմասնակցի միջուկային ծրագրի մնացորդների հեռացման գործընթացին։
Թրամփը նշել է, որ արդեն համաձայնեցվել է 15 կետից բաղկացած խաղաղության ծրագրի մեծ մասը։
«Մենք Իրանի հետ բանակցություններ ենք վարում և կքննարկենք սակագների և պատժամիջոցների մեղմացումը։ 15 կետերից շատերի շուրջ արդեն համաձայնություն է ձեռք բերվել։ Ուրանի հարստացում չի լինի, և ԱՄՆ-ն, համագործակցելով Իրանի հետ, կփորի և կհեռացնի խորը թաղված միջուկային «փոշին»»,- գրել է Թրամփը։
