Կառավարությունն այսօրվա նիստում չզեկուցվող նախագծերի թվում ընդունել է Իրանից Հայաստանի տարածք ներմուծվող իրանական ծագում ունեցող առանձին տեսակի ապրանքների ծավալները հաստատելու և դրանց նկատմամբ սակագնային քվոտա կիրառելու մասին որոշումը։
Ըստ նախագծի՝ 2026 թվականի ընթացքում Իրանից Հայաստան ներմուծվող որոշ ապրանքների նկատմամբ կկիրառվի սակագնային քվոտա, և կհաստատվեն դրանց ներմուծման թույլատրելի ծավալները։ Նշվում է, որ այդ ապրանքների ներմուծման ծավալների բաշխումն արտաքին տնտեսական գործունեության մասնակիցների միջև կիրականացվի կառավարության 2025 թվականի հուլիսի 3-ի N904-Ն որոշմամբ սահմանված կարգով։
