Իսրայելի վարչապետ Բենիամին Նեթանյահուն հայտարարել է, որ իր երկրի բանակը կշարունակի հարվածներ հասցնել «Հեզբոլլահ» խմբավորմանը «ամենուր, որտեղ դա անհրաժեշտ է»: Նա այս մասին գրել է X սոցիալական ցանցում։
«Մեր ուղերձը հստակ է. յուրաքանչյուր ոք, ով կգործի Իսրայելի քաղաքացիական բնակչության դեմ, կդառնա թիրախ։ Մենք կշարունակենք հարվածել «Հեզբոլլահին» ամենուր, որտեղ անհրաժեշտ է, քանի դեռ չենք վերականգնել լիակատար անվտանգություն հյուսիսի բնակիչների համար», – գրել է նա։
Նա նաև հավելել է, որ Իսրայելի պաշտպանության բանակը անցած գիշեր հարվածներ է հասցրել Լիբանանի հարավում գտնվող մի շարք ենթակառուցվածքային օբյեկտների։
