«Հիմա Վճռաբեկ դատարանը դուրս է եկել իր լիազորությունների սահմաններից, օրինաստեղծությամբ է զբաղվել, որի իրավունքը բացարձակապես չունի։ Հիմա այդ հետևանքներին փորձում ենք ինչ-որ ձևով, կարկատաններով լուծում տալ»,- դատական նիստի ժամանակ հայտարարեց ՀՀ երկրորդ նախագահ Ռոբերտ Քոչարյանը:
Նա նշեց, որ դատարանը միայն օրենք կիրառող է, դատարանը օրենք ստեղծող չէ:
«Իրական խնդրի աղբյուրընայդտեղ է։ Առաջին անգամ Հայաստանի պատմության մեջ հոդվածը հակասահմանադրական է ճանաչվել, և դրանից հետո Սահմանադրական դատարանից սկսած, և հատկապես Վճռաբեկ դատարանը, սկսել են օրինաստեղծությամբ զբաղվել»,- ասաց Ռ.Քոչարյանը։
Հիշեցնենք, որ ՀՀ երկրորդ նախագահ Ռոբերտ Քոչարյանը, ԶՈւ գլխավոր շտաբի նախկին պետ, ՀԱՊԿ նախկին գլխավոր քարտուղար Յուրի Խաչատուրովը, ՀՀ պաշտպանության նախկին նախարար Սեյրան Օհանյանը, ՀՀ նախկին փոխվարչապետ Արմեն Գևորգյանը մեղադրվում էին սահմանադրական կարգը տապալելու մեջ։ Մինչ ընդհանուր իրավասության դատարանը քննում էր գործը, ՍԴ-ն հակասահմանադրական ճանաչեց հոդվածը։
Վճռաբեկ դատարանը 2024-ի սեպտեմբերին բեկանել է Ռոբերտ Քոչարյանի, Յուրի Խաչատուրովի և մյուսների գործը կարճելու որոշումը և թույլատրել վերաորակավորել մեղադրանքը:
