Իրանի քաղաքական հարցերով փոխարտգործնախարար Մաջիդ Թախթ Ռավանչին, Թեհրանում օտարերկրյա դեսպանների և միջազգային կազմակերպությունների ղեկավարների հետ հանդիպման ժամանակ, անդրադարձել է Իսլամաբադում սպասվող ԱՄՆ-Իրան բանակցություններին։
Բարձրաստիճան դիվանագետը շեշտել է, որ կողմերի միջև արդեն իսկ համաձայնություն կա` բանակցությունների հիմքում դնել Իրանի առաջարկած 10 կետանոց ծրագիրը։
Անդրադառնալով հնարավոր հրադադարին՝ փոխարտգործնախարարը հստակեցրել է երկրի դիրքորոշումը՝ նշելով, որ Իրանին ձեռնտու չէ այնպիսի հրադադար, որը թույլ կտա «ագրեսոր թշնամուն» վերազինվել և նոր թափով հարձակվել։ Ռավանչին հայտարարել է, որ իրենք իրենց գործընկերներին ու բարեկամ երկրներին հստակ փոխանցել են՝ նախկին փորձը չի կրկնվի, և որևէ համաձայնություն հնարավոր չէ առանց միջազգային ամուր երաշխիքների։
