Ալեն Սիմոնյանը անդրադարձել է հայկական լրատվական դաշտին. «Հայկական լրատվական դաշտի ԶԼՄ-ների խնդիրներից ևս մեկն այն է, որ, երբ մի օբյեկտիվ բան են ներկայացնում, ենթադրենք հոդված են գրում մի քաղաքական գործչի կամ ուժի դեմ ու հարցում են անում կամ տեսանյութ, դրանից անմիջապես հետո` այսահարված խուճապի մեջ արագ սկսում են իրենց իսկ արածը հերքելու, հակառակը անելու անկանոն շարժումները։
Դա արվում է ոչ թե բոլոր կարծիքները, տեսակետները ներկայացնելու համար (եթե նման նպատակ ունես` դա արվում է նույն ռեպորտաժում), այլ անում են այն պատճառով, որ հանկարծ իրենց չվերագրեն ինչ-որ կուսակցության կամ ուժի հետ, որ հանկարծ քոմենթներում չքննադատեն ու չվիրավորեն: Սա պրոֆեսիոնալիզմի, ինքնագնահատականի կատարյալ բացակայության ցուցիչ է և ոչ մի կապ չունի ժուռնալիստիկայի հետ:
Հերիք տանջվեք և մի ոտքից մյուսը թռնեք, որ բոլորին հաճոյանաք` նույնիսկ ֆեյսբուքում ֆեյք էջով քոմենթ գրողներին»,-նշել է նա:
