«Հանուն Հանրապետության» կուսակցության նախագահ Արման Բաբաջանյանի ֆեյսբուքյան գրառումը.
Հաղթեց Եվրոպան 🇪🇺, հաղթեց ազատությունը ✨, հաղթեց նաև Հայաստանը 🇦🇲
Հաղթեցինք մենք բոլորս 🙌՝ արժանապատվության, ժողովրդավարության և եվրոպական ապագայի հավատով։
Հունգարիայի քաղաքացիներն այսօր ցույց տվեցին, որ նույնիսկ երկար տարիների ավտորիտար խեղման, կոռուպցիայի և եվրոպական արժեքների դեմ տարվող պայքարից հետո ժողովուրդը կարող է վերադառնալ դեպի ազատության, իրավունքի և արժանապատվության ուղին։
Հայ ժողովրդի հիշողության մեջ Օրբանի անունը մնալու է որպես ծանր ու ամոթալի էջ՝ մարդասպանի արտահանձնումով, Ադրբեջանի շահերին սպասարկող քայլերով և ԵՄ-ում Հայաստանի դեմ կիրառված վետոներով: Այդ ամենը երբեք չի մոռացվելու։
Բայց այսօր մենք ողջունում ենք հունգար ժողովրդին, որովհետև Հունգարիայում պարտվեց ոչ միայն Օրբանը, այլ այն քաղաքականությունը, որը դավաճանում էր եվրոպական արժեքներին հանուն ցինիզմի, կաշառքի և բռնապետերի հետ գործարքների։
Շնորհավորում եմ Հունգարիայի ժողովրդին։ Այսօր նրանք ապացուցեցին, որ նույնիսկ երկար խավարից հետո ժողովուրդը կարող է վերադարձնել իր երկրի պատիվն ու արժանապատվությունը: ։
