Միացյալ Նահանգներն ու Իրանը դիտարկում են դեմ առ դեմ բանակցությունների երկրորդ փուլն անցկացնելու հնարավորությունը՝ նպատակ ունենալով վերջ դնել արդեն վեց շաբաթ տևող պատերազմական գործողություններին նախքան հաջորդ շաբաթ հրադադարի ժամկետի լրանալը։
AP գործակալության տվյալներով, որոնք հիմնված են ամերիկացի պաշտոնյաների և բանակցություններին մոտ կանգնած աղբյուրների հաղորդումների վրա, կողմերն այժմ քննարկում են նոր հանդիպման մանրամասները, իսկ միջնորդ երկրներից մեկի դիվանագետը հաստատել է, որ Թեհրանն ու Վաշինգտոնն արդեն տվել են իրենց նախնական համաձայնությունը։
Թեև բանակցությունների անցկացման վայրի և հստակ ժամկետի վերաբերյալ վերջնական որոշում դեռ չկա, որպես հնարավոր հարթակ կրկին դիտարկվում է Իսլամաբադը, ինչպես նաև Ժնևը։ Ամերիկյան կողմի փոխանցմամբ՝ հանդիպումը կարող է կայանալ արդեն այս հինգշաբթի, սակայն դեռևս հստակ չէ, թե ինչ մակարդակի պատվիրակություններ կներկայացնեն կողմերը։
