Վարչապետ Նիկոլ Փաշինյանը ելույթ է ունեցել Հայաստան-ԵՄ քաղհասարակության պլատֆորմի 8-րդ երկկողմ հանդիպմանը։ Նա հայտարարել է, որ թեև ժողովրդավարության և պետության տնտեսության զարգացման առումով շատ մեծ առաջընթացներ են արձանագրվել, բայց կան լրջագույն խնդիրներ, և դրանց լուծումը օրակարգի առաջնահերությունների մեջ է։
«ՀՀ-ում դատական, արդարության և արդարադատության համակարգերը հիմնականում չունեն օրգանական կապ իշխանության բարձրագույն աղբյուրի՝ ժողովրդի հետ։ Այդ խնդիրն է կարևորագույններից մեկը, որ պետք է լուծենք առաջիկայում՝ նոր սահմանադրություն ընդունելով։
Նրա խոսքով՝ ամենամեծ քննադատությունը Հայաստանի կառավարության հասցեին այն է, որ արդարության ակնկալիքը ունենալով որպես հիմնական օրակարգերից մեկը հեղափոխության՝ դեռևս չեն կարողացել Հայաստանում արդարության ոլորտում հասնել այնպիսի հաջողությունների, որ կգնահատվի լավ կամ բավարար։
Վարչապետը նաև ընդգծել է, որ ինչպես նախկինում, այնպես էլ հիմա կփորձեն խորացնել կապը ԵՄ-Հայաստան քաղհասարկության պլատֆորմի հետ։
