Վարչապետ Նիկոլ Փաշինյանը Հայաստան-ԵՄ քաղհասարակության պլատֆորմի 8-րդ երկկողմ հանդիպմանը ասել է, որ ԵՄ-ին անդամակցելը կամ չանդամակցելը քաղաքական որոշման հարց է։
«ԵՄ-ն կարող է որոշել՝ չընդլայնվել կամ ընդլայնվել որոշակի տրամաբանությամբ։ Մենք որևէ մեկի կամքին չենք կարող բռնանալ։ Եթե ԵՄ-ն որոշի մեզ ընդունել լիիրավ անդամ, ապա շատ լավ։ Իսկ եթե ոչ, ապա մենք շահած դուրս կգանք, քանի որ կլինենք ժամանակակից լավագույն ստանդարտներին համապատասխանող երկիր»,- ասել է վարչապետը։
Նրա խոսքով՝ մեր երկրի ռազմավարությունն է լինել լավագույն ստանդարտներին համապատասխանող երկիր. «Եվ մենք այսօր հասկանում ենք, որ հեռու ենք այդ կետից»,- շեշտել է Նիկոլ Փաշինյանը։
