ԱԺ «Քաղաքացիական պայմանագիր» խմբակցության պատգամավոր Վահագն Ալեքսանյանը ճեպազրույցի ընթացքում անդրադարձել է երեկ հակակոռուպցիոն կոմիտեի կողմից ձերբակալված «Ուժեղ Հայաստան» կուսակցության անդամ Գոհար Ղումաշյանին։
«Սա ուղղակի խայտառակություն է, որ իրենց ուժեղ հռչակած ձյաձյաները մանկահասակ ու նորածին երեխա ունեցող կանանց են ներգրավում այդ «ընտրատասովկայի» գործերում, նրանց միջոցով են փորձում կեղտոտ գործն առաջ տանել, փաստացի նրանց դարձնում են իրենց կեղտոտ խաղերի զոհը»,-ասել է նա և հավելել, որ իրավապահ համակարգը տեսնում է, որ օրենքի խախտում կա, և պարտավոր է գնալ դրա հետևից։
«Ուրիշ բան, որ այդ մարդիկ թաքնվում են նորածին ունեցող կանանց թիկունքում և այդ նորածին երեխաներ ունեցած կանանց էլ ստիպում ներգրավվել նմանատիպ գործընթացում»,-նշել է պատգամավորը՝ հավելելով․ ինչո՞ւ կալուգացի Սամոն այդ կեղտոտ գործերը չի անում։
