Վարչապետ Նիկոլ Փաշինյանն ԱԺ-ում հայտարարել է, որ այսօր ունենք բոլորովին այլ պետություն, քան 2018-ին։
«Այսօր մենք անկախ ենք ավելի, քան երբևէ, ինքնիշխան ենք ավելի, քան երբևէ, պետություն ենք ավելի, քան երբևէ, ժողովրդավարական ենք ավելի, քան երբևէ, զարգացած ենք ավելի, քան երբևէ, խաղաղ ենք ավելի, քան երբևէ, բարեկեցիկ ենք ավելի, քան երբևէ, և անվտանգ ենք ավելի, քան երբևէ»,- նշել է վարչապետը։
Նրա խոսքով՝ մենք երկարակյաց ենք ավելի, քան երբևէ, քանի որ 2024 թվականի արդյունքներով ՀՀ-ում կյանքի միջին տևողությունը 78,6 տարի է, ինչը բացարձակ ռեկորդային ցուցանիշ է Հայաստանի գոյության ողջ ընթացքում, նույնիսկ՝ ԽՍՀՄ տարիների հետ համեմատած։
