«Եթե գնային քաղաքականությունը լավ լինի, մեր ընտանիք չէ, ցանկացած ընտանիք կուզի, որպեսզի ինքն ավելի մրցունակ լինի»,-ԱԺ-ում լրագրողների հետ զրույցում ասաց ՔՊ պատգամավոր Խաչատուր Սուքիասյանը՝ պատասխանելով հարցին՝ «ձեր ընտանեկան բիզնեսները դիտարկո՞ւմ են Ադրբեջանի տարածքով որևէ բան արտահանել, թե՞ ոչ»։
Նա նշեց, որ պաշտպանելու է այն մարդկանց, ովքեր կուզեն ավելի մրցունակ լինել թեկուզ Ադրբեջանի տարածքով։
Ինչ վերաբերում է առաջիկա խորհրդարանական ընտրություններում ՔՊ ցուցակում չընդգրկվելուն, Սուքիասյանն ասաց. «Չառաջադրվելն իմ որոշումն է եղել, քաղաքական թիմի հետ չեմ քննարկել։ Չեմ ուզում, համարում եմ, որ ժամանակն ավելորդ տեղն է ծախսում:
Ես մի մանդատ ունեի, մի կոճակ: Ես ասում եմ՝ իշխանությունը չլինի հարուստ մարդկանց: Մանդատ կարող է փորձով ինչ-որ մեկը գալ, պիտանի լինել, ինչո՞ւ ոչ»։
