Թուրքիայի նախագահ Ռեջեփ Թայիփ Էրդողանը հանդես է եկել կտրուկ հայտարարություններով՝ ուղղված Իսրայելի կառավարությանը և վարչապետ Բենիամին Նեթանյահուին։
Էրդողանի համոզմամբ՝ Մերձավոր Արևելքում կայունություն հաստատելու ցանկացած փորձ բախվում է Իսրայելի սաբոտաժին, որն իր անվտանգությունը կառուցում է այլոց անապահովության վրա։
Թուրքիայի առաջնորդը շեշտել է, որ Իսրայելը թիրախավորում է խաղաղության ձայնը բարձրացնող երկրներին, հատկապես՝ Թուրքիային և Իսպանիային։ Անդրադառնալով Իսպանիայի վարչապետ Պեդրո Սանչեսի դիրքորոշմանը՝ Էրդողանն ասել է. «Անկեղծորեն շնորհավորում եմ իմ թանկագին բարեկամ Սանչեսին՝ Գազայի դահիճ Նեթանյահուի սպառնալիքների դեմ ամուր կանգնելու համար»,- ասել է նա։
Նա վերահաստատել է, որ տարածաշրջանային խաղաղությունը կգա միայն ի հեճուկս այն ուժերի, որոնք առաջնորդվում են «ավետյաց երկրների» պատրանքով և շարունակում են բորբոքել պատերազմի կրակը։
