«Արմնյուզ» հեռուստաընկերության եթերում պաշտպանության նախկին նախարար Սեյրան Օհանյանը կարծիք է հայտնել, որ պետականաշինության գործում մեծ դերակատարություն և ներդրում են ունեցել ՀՀ երեք նախագահները և ներկայիս վարչապետ Նիկոլ Փաշինյանը:
Անդրադառնալով ՀՀ երկրորդ նախագահ Ռոբերտ Քոչարյանի շուրջ տեղի ունեցող իրադարձություններին՝ Սեյրան Օհանյանն ասել է. «Դեմ եմ, որ պետության 2-րդ նախագահը, ընդգրկված լինելով «Մարտի 1»-ի գործում, անհավասար պայմաններում լինի: Ինքը կարող է ազատ լինել և մասնակցել այդ դատավարություններին, ինքը չի կարող խոչընդոտել: Այսքան ես մասնակցում եմ նիստերին, իր կողմից, կամ թեկուզ իմ կողմից, շուրջ 800 վկա կա, թող նրանցից մեկն ասի, որ իմ կամ Քոչարյանի կողմից ինչ-որ մեկը զանգած լինի, ասի, որ ինչ-որ մի բան փոխի. էն մարդը հո իր հրամանագիրը չի՞ փոխելու»:
Օհանյանը եթերի ընթացքում խուսափել է խոսել ՀՀ-ում տիրող քաղաքական իրավիճակի մասին:
