Իսրայելի գիտության և տեխնոլոգիաների նախարար Գիլա Գամլիելը հայտարարել է, որ այսօր նախատեսված է Իսրայելի վարչապետ Բենիամին Նեթանյահուի և Լիբանանի նախագահ Ջոզեֆ Աունի հեռախոսազրույցը։ Սա կլինի երկու երկրների ղեկավարների առաջին ուղիղ շփումը վերջին ավելի քան երեք տասնամյակի ընթացքում։
«Այսօր վարչապետն առաջին անգամ կխոսի Լիբանանի նախագահի հետ՝ երկու երկրների միջև երկխոսության բազմամյա լիակատար բացակայությունից հետո»,- նշել է Գամլիելը «Բանակի ռադիոյի» (Army Radio) եթերում։
Նախարարը, ով մասնակցել է Լիբանանի հետ բանակցություններին նվիրված անվտանգության կաբինետի նիստին, հույս է հայտնել, որ այս քայլը վերջնական արդյունքում կհանգեցնի երկու երկրների միջև «բարգավաճման և ծաղկման»։
Այս զարգացումը հաջորդում է երեքշաբթի օրը Վաշինգտոնում կայացած ուղիղ դիվանագիտական բանակցություններին, որոնք տեղի են ունեցել Իսրայելի և Լիբանանի ներկայացուցիրների միջև։
