Ներքին գործերի նախարար Արփինե Սարգսյանն Ազգային ժողովում հայտարարել է, որ ավարտական փուլում են անձնագրերի ընդհանուր դիզայնին և անվտանգային բաղադրիչներին վերաբերող աշխատանքները։
«Հուսով եմ, որ առաջիկա օրերին հնարավորություն կունենանք հանրությանը ներկայացնել անձնագրի նկարագիրը։ Իսկ կենսաչափական նույնականացման քարտերը մեծաքանակ տպագրության փուլում են»,- ասել է ՆԳ նախարարը։
Նախարարի խոսքով՝ եռուն փուլում են նոր կենսաչափական համակարգի ներդրման աշխատանքները. «Մենք այստեղ թռիչքաձև զարգացման աշխատանքներ ենք նախատեսում»։
