Վարչապետ Նիկոլ Փաշինյանը հայտարարել է, որ պատերազմի, նախկինների «եռագլուխ» կուսակցությանը, շուն-շանգյալներին և քաղաքական բոշաներին պետք է հարատև դուրս թողնել քաղաքականությունից։
«Եթե մեր հանրային խոսույթում լինի միտք, որ «Ուժեղ Հայաստան»-ը, «Հայաստան» դաշինքը և ԲՀԿ-ն կարող են անցնել խորհրդարան, ապա դա անհարգալից վերաբերմունք է Հայաստանի Հանրապետության քաղաքացիների նկատմամբ»,- նշել է վարչապետը։
«Տեսե՞լ եք, որ մի օր ժողովրդի անուն տան։ Մի անգամ չեն տվել։ Իսկ մենք ասե՞լ ենք որևէ բան՝ առանց ժողովրդին հղում անելու։ Մենք ասում ենք՝ ժողովո՛ւրդ ջան, տեր կանգնիր խաղաղությանդ»,- ասել է վարչապետը՝ հավելելով, որ ամեն ինչ անելու են, որպեսզի «Հայաստան» դաշինքը, «Ուժեղ Հայաստան»-ը և ԲՀԿ-ն չանցնեն խորհրդարան և չհավաքեն անհրաժեշտ թվով ձայներ։
«Չի կարող այդքան լկտի ձևով, հիբրիդային ապատեղեկատվության միջոցով ժողովրդին մոլորության հորձանուտի մեջ գցել փորձող քաղաքական ուժը կրկին հայտնվել խորհրդարանում»,- շեշտել է Նիկոլ Փաշինյանը։
