Վարչապետ Նիկոլ Փաշինյանն ասել է, որ «Ուժեղ Հայաստանը» հենց նույն ՀՀԿ-ն է։
«Այն, որ Սերժ Սարգսյանը և մյուսները բացահայտ հայտարարեցին իրենց աջակցության մասին, այդ հանգամանքն ամբողջացրեց պատկերը. քայլերթի «շտուրմանը» ամենագնացի հենակին կանգնած… Ախր նա Հանրապետական խմբակցության ղեկավար է եղել»,- ասել է նա:
Նա շեշտել է, որ այն քաղաքական ուժերը, որոնք ժողովրդին անվանում են «ժեխ», «շունուշանգյալ», «բոշա», մարտահրավեր են նետում քաղաքացուն, որ իրենց ձայն տվող մարդն ինքն իրեն պետք է հայտարարագրի որպես այդպիսին։ Ըստ վարչապետի՝ ընդդիմադիր երեք կուսակցությունների ցուցակը կարծես «կալոդը» խառնած լինի և պոկերի տրամաբանությամբ բաժանված. «Հիմա այնտեղ այնպիսի կոմբինացիաներ են, որ դժվար է նույնիսկ պատկերացնել։ 2026 թվականի խորհրդարանական ընտրությունները Քոչարյան-Սերժ կոալիցիայի վերջին շանսն են»,- ասել է նա։
«Իրենք վերջին անգամ ե՞րբ են եղել դպրոցներում, որ ասում են՝ փակում ենք։ Իրենց պետք է, որ մեր երեխաները 10 տարի անցկացնեն այդ դպրոցներում և այդպես էլ կրթություն չստանան, որ արդյունքում նույնիսկ տաբատ ունենալու հնարավորությունից զուրկ լինեն, որպեսզի այդ երեխաների հույսն իրենք լինեն՝ ընտրակաշառք բաժանողները, և վերջում մի էժանագին տաբատ շպրտեն այդ երեխաների երեսին ու հետևից էլ ասեն՝ «արա՛, այ բոշեք»»,- շեշտել է վարչապետը։ Նա հավելել է, որ այդ երեխաները մարզահագուստով են, որովհետև նրանց տարել են աշխատեցնելու. «Հետո հետ եք ուղարկել այդ մարզահագուստով, որ գնան օտար երկրներում ձեզ ծառայեն, մի բառ ռուսերեն չիմանան, որ ձեր կառուցած ստրկությունից ազատվելու հնարավորություն չունենան»։
