«Ձեր իշխանությունը հակասությունների, մանիպուլյացիաների, կեղծիքի, ավելորդ ինքնագովաբանության իշխանություն է»,-ԱԺ-ում Նիկոլ Փաշինյանի մասնակցությամբ կառավարության ծրագրի 2025 թվականի կատարման ընթացքի քննարկման ժամանակ ունեցած ելույթում ասաց «Հայաստան» խմբակցության պատգամավոր Սեյրան Օհանյանը։
Նա նշեց, որ Փաշինյանի ղեկավարման ժամանակ ամեն տարի Հայաստանն ունեցել է անհաջողություններ, ցավալի պահեր։
«2019 թվականին դուք հայտարարում էի՝ «Արցախը Հայաստան է և վերջ»։ Այն ժամանակ ասեիք, որ մենք Արցախի հետո որևէ կապ չունենք, զրոյական կետից ենք սկսում։
Դուք տապալել եք ոչ միայն բանակցային գործընթացը, նաև անհարգալից վերաբերմունք է ԵԱՀԿ Մինսկի խմբի նախագահության համատեղ կատարած աշխատանքին, որի հիմքում Արցախի ինքնորոշումն է եղել, իսկ փոխզիջումային տարբերակի առաջարկությունը ծածել, դրել եք՝ չգիտեմ որտեղ եք դրել»,- ասաց Օհանյանը։
Նա նաև նշեց, որ 2020 թվականին այս իշխանության ոչ ադեկվատ կառավարումը, իրարամերժ գործողությունները բերել են պատերազմ։
«Պատերազմի ժամանակ ոչինչ չեք արել երկիրը մոբիլիզացնելու, հաջողություններ ունենալու համար։ Իսկ մենք ի վիճակի ենք եղել այդ խնդիրը կատարել։
Պարոն Փաշինյանն ասում է՝ գեներալները փախել են։ ԱԺ ղեկավարությունը, պատգամավորները եկել էին այնտեղ, Մոբ ռեսուրսի անհրաժեշտություն կար։ Այսպես ասած՝ լայաղ չարեցին գոնե մի քանի ժամով գնան, աշխատեն Մոբ ռեսուրսի հետ։ Թողին, փախան։ Հիմա ովքե՞ր են փախել՝ գեներալնե՞րը, թե՞ ԱԺ այն պատգամավորները, որոնք այնտեղ էին»,- ասաց Ս.Օհանյանը։
