««Եռագլուխ» բառը երևի շփոթել եք, պետք է ասեիք «բազմագլուխ», որովհետև այս ընթացքում ձեզ հաջողվել է հասարակության ճնշող մեծամասնությանը դարձնել ընդդիմադիր»,-ասաց «Հայաստան» խմբակցության քարտուղար Արծվիկ Մինասյանը՝ հորդորելով այդ տրամաբանությամբ ավելացնել նաև «պատերազմի կուսակցությունների» թիվը։
Ես հասկանում եմ, որ ՔՊ-ականները փորձում են աղետների բերած «միագլուխ» ուժին հարկադրել «եռագլուխ» ուժ, բայց իրականությունն այդպես չէ։
«Պատերազմ բերողն էլ եք դուք, պատերազմ բերածն էլ եք դուք, աղետներ բերածներն էլ եք դուք, կորուստներ բերածներն էլ եք դուք և շարունակաբար բերելուք եք դրանք, եթե մնաք իշխանության»,- ասաց Մինասյանը։
Նա ցույց տվեց ՔՊ-ի և կառավարության ծրագրերի գրքույկները՝ նշելով, որ դրանք արտաքնապես են նույնը, բովանդակությամբ լրիվ տարբերվում են։
Մինասյանի խոսքով, ՔՊ-ի կառավարման ընթացքում հասարակության մեջ կա խորը հիսթափույուն ատելության մթնոլորտի գերդոզվորում։
Նա նկատեց, որ ՔՊ-ականները իրենց ելույթում Գյումրու ՏԻՄ-ը ներկայացնում են որպես օտար և այնտեղի բոլոր ծրագրերը վերագրում է կառավարության, դրանով վարկաբեկելով պետական իշխանության մի թևը, որը համայնքային իշխանությունն է։
«Հարգեք գյումրու բնակչությանը, դուք այստե ճղում եք ձեր բաճկոնները, թե բա Գյումրիում չկա մի ծրագիր, որը կառավարությունը չի արել, կարծես ձեր գրպանի պարունակությամբ եք անում, հանրության փողն է՝ հանրության վրա պետք է ծախսեք, ուրիշ բան է այդ ծրագրերի արդյունավետությունը, որն խայտառակ անարդյունավետ եք անում»,-ասաց «Հայաստան» խմբակցության քարտուղարը։
Նա նկատեց, որ կառավարության ներկայացրած բոլոր «հաջողված» ծրագրերի տակ դատարկություն է և բերց Արցախի օրինակը, երբ իշխանությունը հայտարարում է, թե Արցախին ամենաշատը ֆինանսական օգնություն հատկացրած կառավարությունն են, բայց դրա արդյունքը ցեղասպան եղծ ժողովուդն է և դատարկված Արցախը։
«Դուք վարկաբեկել եք պետական իշխանությունը, և այդ վարկաբեկումը շարունակվում է և քանի գնում է նաև, ցավոք, ԱԺ-ն է իջնում շատ ցածր մակարդակի վրա»,-ասաց Մինասյանը և նկատելով, որ իր խոսքերը ՔՊ-ականները կվարկաբեկեն, իրեն կվիրավորեն, բայց միայն այդ կերպ կարող են ժողովրդին մանիպուլացնել և ձայներ գողանալ։
Ընդդիմադիր պատգամավորը ներկայացրեց կառավարության այն խոստումները, որոնք չեն կատարվել։
«Դուք թե՛ Սամվել Կարապետյանից եք թույլ՝ բազմակի անգամ, թե՛ Գագիկ Ծառուկյանից, թե՛ առավել ևս, Ռոբերտ Քոչարյանից և ընդդիմադիր ճակատում պայքարող բոլոր մյուս թեկնածուներից»,-եզրափակեց Արծվիկ Մինասյանը։
