ՀՀ վարչապետ Նիկոլ Փաշինյանը ճեպազրույցում ասել է, որ իր կողմից անհարգալից կլինի մտածել, թե Հայաստանի Հանրապետությունում կան քաղաքացիներ, ովքեր պատրաստ են «կուլ տալ» պատերազմի եռագլուխ (կամ, որ նույնն է՝ նախկինների եռագլուխ կուսակցության ներկայացուցիչների) մարտահրավերը և այդպիսի քաղաքական ընտրություն կատարել։
«Ընդդիմությունը միայն այդ երեքը չեն. էլի՛ ընդդիմություններ կան, որոնք ոչ «ժեխ» են ասում, ոչ «շուն-շանգյալ» են ասում: Եվ ընդհանրապես, ինձ համար Հայաստանի քաղաքացիները 2018 թ.-ից ունեն ազատ կամարտահայտման իրավունք, և, քա՛վ լիցի, իմ մտքով այդպիսի բան չի կարող անցնել. չի՛ կարող անցնել, որովհետև դա կհակասի իմ քաղաքական ինքնությանը և իմ քաղաքական ծագումնաբանությանը»,- ասել է վարչապետը։
