Ճապոնիայի հյուսիսային ափամերձ շրջաններում այսօր տեղի է ունեցել 7,5 մագնիտուդ ուժգնությամբ հզոր երկրաշարժ, որին հաջորդել է ցունամիի տագնապ և հատուկ նախազգուշացում հնարավոր ավելի հզոր աղետի վերաբերյալ։
Երկրաշարժը գրանցվել է տեղական ժամանակով ժամը 16:53-ին, Սանրիկուի ափերի մոտ՝ Չիշիմա իջվածքի հարևանությամբ։ Իվատե պրեֆեկտուրայի Կուջի նավահանգստում արդեն արձանագրվել է մոտ 80 սանտիմետր բարձրությամբ ալիք, իսկ մասնագետները նախազգուշացնում են մինչև 3 մետր բարձրությամբ հնարավոր ցունամիի մասին։
Ճապոնիայի օդերևութաբանական գործակալությունը և կառավարությունը հանդես են եկել արտակարգ հայտարարությամբ՝ նշելով, որ առաջիկա շաբաթվա ընթացքում գոյություն ունի 1% հավանականություն, որ այս ցնցումը կարող է հրահրել ՛լ ավելի հզոր՝ «մեգա-երկրաշարժ»։
Թեև սա կանխատեսում չէ, իշխանությունները հորդորել են ափամերձ գոտու բնակիչներին բարձրացնել պատրաստվածության մակարդակը, թարմացնել արտակարգ իրավիճակների պայուսակները և սննդի պաշարները՝ միաժամանակ շարունակելով բնականոն կյանքը։ Ավելի քան 128,000 մարդու խորհուրդ է տրվել տարհանվել դեպի բարձրադիր վայրեր։
Այս պահի դրությամբ լուրջ վնասների կամ մարդկային զոհերի մասին տեղեկություններ չկան։
