Արսենյանն ու Գալուզինը քննարկել են բարձր մակարդակի պայմանավորվածությունների ընթացքը

Ապրիլի 20-ին Մոսկվայում տեղի է ունեցել Ռուսաստանի Դաշնության արտաքին գործերի նախարարի տեղակալ Միխայիլ Գալուզինի և Ռուսաստանում Հայաստանի Հանրապետության արտակարգ և լիազոր դեսպան Գուրգեն Արսենյանի հանդիպումը։

Կողմերը քննարկել են երկկողմ հարաբերությունների օրակարգային մի շարք հարցեր, որոնք բխում են վերջերս Մոսկվայում տեղի ունեցած ռուս-հայկական բարձր մակարդակի բանակցությունների արդյունքներից։ Հանդիպման առանցքում եղել է ապրիլի 1-ին ՌԴ նախագահ Վլադիմիր Պուտինի և ՀՀ վարչապետ Նիկոլ Փաշինյանի միջև ձեռք բերված պայմանավորվածությունների իրագործման ընթացքը։

Հատկանշական է, որ սա Գալուզինի և Արսենյանի արդեն երկրորդ հանդիպումն է ընթացիկ ամսվա մեջ։