Սամվել Կարապետյանին «նախկիններից դուրս» ներկայացնելու փորձերը չեն դիմանում նույնիսկ տարրական փաստական քննությանը։
Բերդի խոշորացված համայնքում տարիներ շարունակ ձևավորված կառավարման համակարգի առանցքային ներկայացուցիչներից մեկը՝ Հանրապետական կուսակցության անդամ, Բերդի նախկին համայնքապետի որդի Անուշավան (Վանուշ) Մանուչարյանը, ընդգրկվել է Կալուգացու ընտրական ցուցակի 30-րդ հորիզոնականում։
Սա փաստում է, որ նույն կառավարման շրջանակները, որոնք վերջին երկու տասնամյակներում ձևավորել են Բերդի սոցիալ-տնտեսական ողորմելի իրականությունը, շարունակում են պահպանել իրենց ազդեցությունը նաև այսօր։ Արդյունքում համայնքը շարունակում է մնալ Հայաստանի ամենաթերզարգացած շրջաններից մեկը՝ նվազագույն տնտեսական ակտիվությամբ և սահմանափակ զարգացման հեռանկարներով։
Տվյալ քաղաքական և վարչական խումբը գործել է իշխանության ժառանգական վերարտադրության տրամաբանությամբ՝ համայնքային կառավարման համակարգը վերածելով փակ, ինքնաբավ միջավայրի, որտեղ պաշտոնները փոխանցվում են ներսում՝ առանց իրական հաշվետվողականության և մրցակցության։
Ներկայում այդ նույն շրջանակների քաղաքական հենարանը հանդիսանում է Կալուգացու նախագիծը, ինչը ևս մեկ անգամ վկայում է համակարգային շարունակականության մասին։
ՀԳ Սպասվող ընտրությունները, մեծ հավանականությամբ, կարող են դառնալ նշված քաղաքական շրջանակի ազդեցության նվազման կամ ավարտի սկիզբը։ Բերդ համայնքի բնակչության առաջ կանգնած է ընտրություն՝ շարունակել առկա իներտ զարգացումը, թե փորձել հաղթահարել ձևավորված փակ համակարգը։
Հարկ է նաև նշել, որ Անուշավան Մանուչարյանը, ով բազմիցս հայտնվել է տարբեր չարաշահումների վերաբերյալ հրապարակումներում, փաստացի շարունակել է ազդեցություն ունենալ համայնքային կառավարման վրա։ Մինչ վերջերս նա ղեկավարում էր «Հայաստանի էլեկտրական ցանցեր» ընկերության Բերդի մասնաճյուղը և պաշտոնից ազատվել է ընկերությունում տեղի ունեցած կառուցվածքային փոփոխություններից հետո։
Թիվ 1 մեդիա-ի հիմնադիր Էդգար Բաբայան
