ՀՀ վարչապետ Նիկոլ Փաշինյանն անդրադարձել է հարկային բեռի ծանր լինելու մասին ընդդիմության հայտարարություններին։
«Ես լիարժեք ըմբռնումով եմ վերաբերվում ընդդիմության հայտարարությանը՝ հարկային բեռի ծանր լինելու մասին, որովհետև այդ ընդդիմությունը, երբ իշխանություն էր, սովոր էր, որ իրենք հարկեր չպետք է վճարեն»,- ասել է նա։
Ըստ վարչապետի՝ հիմա, երբ ստիպված են աշխատել հարկային դաշտում, դա ծանր բեռ է թվում․ «Որովհետև իրենք, ըստ էության, բիզնեսմեն չեն, այլ կոռուպցիոն համակարգերի գործածմամբ հարկերից խուսափելու ճանապարհով մրցակիցներին շուկայից դուրս հանելու և ջերմոցային պայմաններում փող աշխատելու ու թալանելու մասնագետներ են»,- ասել է նա։
