««Ուժեղ Հայաստանում» համաներում լինելու է»,- հայտարարում է «Ուժեղ Հայաստան» կուսակցության խորհրդի անդամ Նարեկ Կարապետանը։
Հիշեցնենք, որ վերջին օրերին կուսակցության անդամների, աջակիցների, համախոհների նկատմամբ քրեական վարույթներ են նախաձեռնվում։ Երեկ Հակակոռուպցիոն դատարանի որոշմամբ «Ուժեղ Հայաստան» կուսակցության անվտանգության հարցերով թիմի ղեկավար, արցախյան պատերազմների մասնակից, հետախույզ Արթուր Ավանեսյանը՝ Կանդազը, կալանավորվել է 2 ամսով։
Նշենք նաև, որ արդարադատության նախարար Սրբուհի Գալյանն ավելի վաղ համաներում նախատեսվո՞ւմ է, թե՞ ոչ հարցին պատասխանել էր, որ «համաներում իրականացնելու որոշում չունենք»։ Նա նաև ասել էր. «Մենք ավելի շեշտադրելու ենք անհատական մոտեցումները, որպեսզի վստահ լինենք, որ հասարակություն վերադարձող անձն ավելի մեծ պոտենցիալ ունի վերաինտեգրման և վերսոցիալականացման ճանապարհն ավելի հարթ է անցել։ Այդ պատճառով կատարելագործում ենք պատժից պայմանական վաղաժամկետ ազատվելու ինստիտուտը»։
