ՄԱԳԱՏԷ-ի ղեկավար Ռաֆայել Գրոսին, ելույթ ունենալով Նյու Յորքում մեկնարկած Միջուկային զենքի չտարածման մասին պայմանագրի վերանայման համաժողովում, հանդես է եկել տագնապալի հայտարարությամբ։
Նրա խոսքով՝ միջուկային աղետի վտանգն այժմ հասել է Սառը պատերազմի ժամանակներից ի վեր ամենաբարձր մակարդակին։
«Սա հատուկ պահ է։ Միջուկային աղետի ռիսկն աճել է մինչև այնպիսի մակարդակի, որն աննախադեպ է «Սառը պատերազմի» տարիներից ի վեր։ Պատերազմը վերադարձել է Եվրոպա և Մերձավոր Արևելք, իսկ խաղաղության և անվտանգության հիմքում ընկած բազմակողմ մեխանիզմները հսկայական ծանրաբեռնվածություն են ապրում: Ժամանակակից միջուկային ոլորտում մենք բախվում ենք վտանգավոր պատային իրավիճակի, որը բնութագրվում է մասնակիցների մեծ թվով, մեծ ռիսկերով և ավելի քիչ հստակությամբ», – ասել է ՄԱԳԱՏԷ-ի ղեկավարը։
