«Ես երբևէ չեմ հիշում, որ քաղաքական, գաղափարական տարաձայնություններ ունեցող այսքան կուսակցություններ, որոնք նույնիսկ Հայաստանի ներսում դժվարությամբ են իրար հետ լեզու գտել, միավորվեն հանուն այն արժեքների, որոնց հավատարիմ են, հանուն քաղաքացիների, որոնց իրավունքները ոտնահարվում են և հանուն Հայրենիքի, որն այսօր աշխարհաքաղաքական սակարկման առարկա է դարձել»,-Հայաստանում ԵՄ ներկայացուցչության դիմաց հայտնեց ՀՀԿ փոխնախագահ Արմեն Աշոտյանը։
Նա նշեց, որ հայկական 6 կուսակցությունների՝ Եվրոպական ժողովրդական կուսակցության անդամներ ՀՀԿ-ի և «Ժառանգություն» կուսակցության, Սոցիալիստների և Դեմիկրատների անդամ ՀՅԴ-ի, Եվրոպական պահպանողականների և բարեփոխիչների անդամ «Բարգավաճ Հայաստան» կուսակցության, Եվրոպայի լիբերալների և դեմոկրատների ալյանսի անդամ ՀԱԿ-ի, ինչպես նաև Եվրոպական ազատ ալյանսի անդամ Արցախի ժողովրդավարական կուսակցության համատեղ նամակ է հանձնվում ԵՄ ներկայացուցչության ղեկավար Վասիլիս Մարագոսին։
«Այդ նամակում մենք օգտագործել են գալիք եվրոպական գագաթնաժողովը ոչ թե Նիկոլ Փաշինյանի նախընտրական շոուին լուռ հետևելու առիթ,այդ կապակցությամբ նիկոլական նախընտրական խնջույքը, այլ Հայաստանի համար դառը ճշմարտությունը բարձրաձայնելու հարթակ»-հայտարարեց Արմեն Աշոտյանը։
Նա նշեց, որ նամակում զետեղված է 6 հիմնական ուղղություն , որից առաջին 4-ը՝ մարդու իրավունքներին, քաղաքական հետապնդումներին, եկեղեցու վրա հարձակումներին և մամուլի ազատությանն են վերաբերում, իսկ վերջին երկուսը՝ Բաքվի բանտերում ապօրինաբար պահվող Արցախի ռազմաքաղաքական ղեկավարությանը և արցախահայության խնդիրներին։
«Պահանջների մեջ մենք միավորվել ենք հետևյալ կոչերի շուրջ. անհապաղ ազատ արձակել Հայաստանի բոլոր քաղբանտարկյալներին, ինչպես նաև Բաքվի բանտերում պահվող մեր հայրենակիցներին, այդ հանդիպումների ժամանակ բարձրաձայնել Հայաստանում տիրող հակաժողովրդավարական վիճակի մասին և հնարավորության դպքում համաժողովի մասնակիցները հանդիպեն ԵՄ քաղաքական ընտանիքի մաս կազմող Հայաստանի կուսակցությունների հետ»,- ասաց Արմեն Աշոտյանը։
ՀՀԿ փոխնախագահը նշեց, որ նամակն արդեն նախորդ օրը ուղարկվել է ԵԽ, ԵՀ-ի նախագահներին, ԵԱԳ ղեկավարին, ԵԽ քաղաքական խմբակցությունների ղեկավարներին և ԵՄ անդամ պետությունների կառավարություններին։
«Հայերն ամենահյուրասեր ժողվուրդն են աշխարհում, մենք բոլորին պատրաստ ենք գրկաբաց ընդունել մեր հայրենիքում, բայց գալ միայն կերուխում անել և մի հատ տանտերերից չհարցնել՝ ոնց եք, այն թուլատրելի չէ»,-ասաց Աշոտյանը և, պարզաբանելով, որ տանտերերը ոչ միայն նամակի տակ ստարգրած կուսակցություններն են, այլև հարյուր հազարավոր հայերը, հավելեց.
«Այս ակցիան պրոարժեքային է՝ պրոազատություն, պրոարդարադատությւոն , պրոարդարություն, պրո մարդու իրավունքներ։ Որևէ նիկոլական ուսապարկի մտքով չանցնի, որ մեր այս ակցիաները ներկայացնի հակաեվրոպական․ Ո՛չ, սա է իրական եվրապական արժեքների համար պայքարը»։
