Մեծ Բրիտանիայի Չարլզ III թագավորը գովել է իր երկրի երկարատև հարաբերությունները Միացյալ Նահանգների հետ։ Եվրանյուզը հաղորդում է, որ երեքշաբթի օրը միապետը մասնակցել է Սպիտակ տանը կազմակերպված շքեղ պետական ընթրիքին՝ Ամերիկայի անկախության 250-ամյակին նվիրված չորսօրյա այցի շրջանակներում։
Կատակներ և նուրբ ակնարկներ
Չարլզ III-ի ելույթը հիմնականում հումորային է եղել։ Անդրադառնալով Թրամփի վերջին հայտարարություններին, թե դաշնակիցները կխոսեին գերմաներեն, եթե Երկրորդ համաշխարհային պատերազմում ԱՄՆ աջակցությունը չլիներ, և մեղադրանքներին, որ նրանք ապրում են Միացյալ Նահանգների հաշվին պաշտպանության ոլորտում։
«Դուք վերջերս հայտարարեցիք, պարոն նախագահ, որ եթե Միացյալ Նահանգները չլիներ, եվրոպական երկրները կխոսեին գերմաներեն։ Ես համարձակվում եմ ասել, որ եթե մենք չլինեինք, դուք կխոսեիք ֆրանսերեն», – կատակել է Չարլզը։
Հունվարին Դավոսի գագաթնաժողովում Թրամփն ասել էր, որ Երկրորդ համաշխարհային պատերազմում ԱՄՆ օգնության բացակայության դեպքում «դուք կխոսեիք գերմաներեն և մի փոքր ճապոներեն»։
