Կառավարությունն այսօրվա նիստում չզեկուցվող նախագծերի թվում ընդունել է Խաղաղության խորհրդի կանոնադրության վավերացման նպատակահարմարության մասին որոշումը։
Ըստ հիմնավորման՝ խաղաղության խորհրդի կանոնադրությունը Հայաստանի կողմից ստորագրվել է 2026 թվականի հունվարի 22-ին, մինչդեռ ԱՄՆ-ը փաստաթուղթը ստորագրել է հունվարի 16-ին։ Հիմնավորման համաձայն՝ Խաղաղության խորհուրդը միջազգային կազմակերպություն է, որի հիմնական նպատակը կայունության խթանումն ու խաղաղության ապահովումն է հակամարտությունից տուժած տարածքներում։ Այն նախատեսում է խաղաղության հաստատման գործառույթների իրականացում, ինչպես նաև խաղաղության ձգտող ազգերի և համայնքների համար լավագույն գործելակերպի մշակում և տարածում՝ միջազգային իրավունքի և կանոնադրությամբ սահմանված կարգի համաձայն։ Կանոնադրությունն ուժի մեջ է մտնում այն դեպքում, երբ առնվազն երեք պետություններ համաձայնում են, որ այն պարտադիր ուժ ունի իրենց համար։
