Լրագրող, հարցազրուցավար Պետրոս Ղազարյանը «Ֆեյսբուքի» իր էջում գրել է.
«Կենսաչափական նոր անձնագրերում Արարատի նկարի բացակայությունը ոմանց մոտ հայրենասիրական նևրոզ է առաջացրել։ Մեկը անիծում է, մեկը ինքնահրկիզվում է, մյուսը թուրքական հետք է գտնում ու մեր ինքնության նսեմացում։ Ու բոլոր այս ինքնահրկիզվողները ռուսական կողմնորոշման կողմնակիցներ են, որ պայքարում են Արևմուտքի և թուրքադրբեջանական տանդեմի դեմ։
Բայց մի նրբություն կա։
Արարատը թուրքերին տվել են հենց ռուսները՝ Կարսի պայմանագրով։ Նրանք երբևէ թուրքերինը չեղած Սուրմալուի գավառը փոխանակեցին Բաթումի հետ, և դրա արդյունքում Արարատը՝ իրականում մերը լինելուց, դարձավ սիմվոլ և ինքնություն։ Հենց այդ ժամանակ Ադրբեջանին հանձնվեց Նախիջևանը։
Եվ հիմա Նախիջևանը և Արարատը թուրքերին հանձնած Ռուսաստանին նրանք անվանում են բնական դաշնակից, իսկ նա, ով ասում է, որ դա արդեն այլ երկիր է՝ դավաճան է։
Այս խելքով ենք հասել այս հանգրվանին։
Թե ոնց Արարատը դարձավ թուրքական՝ այդ մարդկանց չի հետաքրքրում. չի հետաքրքրում քաղաքական, անվտանգային և պետության ապագայի ու ռազմավարության կոնտեքստում։ Կարևորը՝ պեչատի ու անձնագրի մեջ լինի»։
