Վարչապետ Նիկոլ Փաշինյանը հայտարարել է, որ նոյեմբերից մինչ օրս Ադրբեջանի տարածքով շուրջ 26 հազար տոննա ապրանք է ներկրվել Հայաստան։
«Հիմա գործնականում արգելքներ և խոչընդոտներ չկան, որ Հայաստանից ապրանքներ արտահանվեն։ Գործարար համայնքները՝ կողմերը, ցուցակներ են փոխանցել, և համոզված եմ, որ Հայաստանից որոշակի ապրանքախմբեր կարտահանվեն Ադրբեջան»,- ասել է վարչապետը։
Նա նշել է, որ մինչ այժմ գործարար համայնքներն իրենց ցուցակները փոխանցել են երկու կառավարությունների միջոցով. «Այժմ, քանի որ ակտիվանում են այդ հոսքերը, կառավարությունն այդ գործառույթն անելու պատեհություն չունի։ Այժմ մենք կազմակերպում և ասում ենք՝ արդեն աշխատեք միասին»,- հավելել է վարչապետը։
