Ultimate Fighting Championship (UFC)-ի թեթևքաշային կարգի երկրորդ հավակնորդ Արման Ծառուկյանը ազատ ոճի ըմբշամարտի մրցաշարում կմրցի ամերիկացի մարտիկ Թոնի Ֆերգյուսոնի հետ։
Մրցակցությունը կկայանա հունիսի 13-ին Սենթ Լուիսում Real American Freestyle (RAF) մրցաշարի շրջանակներում։
Մայիսի 30-ին Դալասում Ծառուկյանը RAF կազմակերպության հովանու ներքո ևս մեկ մենամարտ կանցկացնի Քիլոն Ջիմիսոնի դեմ։ Երկու մենամարտերն էլ նախատեսված են թեթևքաշային կարգում։
Ֆերգյուսոնը UFC-ի նախկին ժամանակավոր չեմպիոն է։ 42-ամյա մարտիկն ունի 26 հաղթանակ,6 պարտություն խառը մարտարվեստներում։ Նա UFC-ում մենամարտել է 32 անգամ, որոնցից 26-ում հաղթել է։ Լուրը Հայտնում է «Գազետա ռու»-ն։
