ԱՄՆ դեմոկրատ սենատոր Ռիչարդ Բլյումենտալը CNN-ին տված հարցազրույցում ասել է, որ ԱՄՆ զինված ուժերը կարող են մոտ ապագայում հարված հասցնել Իրանին։
«Իմ մասնակցած որոշ ճեպազրույցներից, ինչպես նաև այլ աղբյուրներից ես այն տպավորությունն ունեմ, որ ռազմական հարվածը կարող է անխուսափելի լինել»,-ասել է Բլյումենտալը։
Սենատորն այն գնահատել է որպես «շատ մտահոգիչ, քանի որ այն կարող է վտանգել Ամերիկայի որդիների և դուստրերի կյանքը և հանգեցնել զգալի մարդկային կորուստների»։
«Ես չեմ կարող ավելի կոնկրետ լինել, քանի որ ես այս ճեպազրույցներից առնվազն մեկից, կամ ավելի ճիշտ՝ մի քանիսից տեղեկությունները ստացել եմ փակ դռների հետևում։ Ես հաստատ չեմ ասում, թե երբ դա կարող է տեղի ունենալ, բայց դա շատ հավանական տարբերակ է որպես պոտենցիալ ծրագիր»,- ասել է նա։
