Չեխիայի վարչապետ Անդրեյ Բաբիշը հայտարարել է իր մտադրության մասին՝ անձամբ բանակցություններ վարել Ուկրաինայի նախագահ Վլադիմիր Զելենսկու հետ՝ Եվրոպական քաղաքական համայնքի գագաթնաժողովում, որը տեղի կունենա Երևանում, հաղորդում է iDnes.cz-ը։
«Այնտեղ ես նաև կարճատև երկկողմ հանդիպումներ կունենամ Մեծ Բրիտանիայի վարչապետ Սթարմերի, Սերբիայի վարչապետի և Մոլդովայի նախագահի հետ։ Առաջին անգամ ես նաև բանակցություններ կվարեմ Ուկրաինայի նախագահ Զելենսկու հետ», – ասել է Բաբիշը։ Նա նշել է հանդիպման կարևորությունը, բայց ընդգծել է, որ չի պլանավորում մեկնել Կիև։
