Ադրբեջանի նախագահ Իլհամ Ալիևը հեռավար ելույթ է ունեցել Երևանում անցկացվող Եվրոպական քաղաքական համայնքի լիագումար նիստին։
«Մենք ավելի քան 9 ամիս խաղաղ ապրում ենք և սովորեցինք խաղաղ ապրել։ Անցած տարվա օգոստոսին Սպիտակ տանը Հայաստանը և Ադրբեջանը ստորագրեցին ընդհանուր հռչակագիր, որը նախագահ Թրամփը ևս ստորագրեց՝ որպես վկա»,- շեշտել է Ալիևը։
Նա վստահեցրել է, որ այժմ խաղաղությունը իրականություն է․ «Այդ փաստից հետո Ադրբեջանը միակողմանի հանեց տարանցման սահմանափակումները, և մի քանի հազար տոննա բեռ հասել է Հայաստան Ադրբեջանի տարածքով, նաև սկսել ենք մատակարարել մեր նավթամթերքը»,- շեշտել է նա։
Նրա խոսքով՝ և՛ Հայաստանը, և՛ Ադրբեջանը արդեն տեսնում են խաղաղության պրակտիկ օգուտները․ «Չնայած բոլոր այն մարդկանց ջանքերին, որ փորձում են խաթարել այս գործընթացը, Ադրբեջանը միտված է խաղաղության օրակարգին, և իմ հայ գործընկերոջ ելույթը դա շատ հստակ ընդգծեց»,- ասել է նա։
Ելույթի ավարտին Ալիևը կրկին խոսել է խաղաղության մասին, նշելով. «Չնայած բոլոր այն մարդկանց ջանքերին, որ փորձում են խաթարել այս գործընթացը, Ադրբեջանը միտված է խաղաղության օրակարգին, և իմ հայ գործընկերոջ ելույթը դա շատ հստակ ընդգծեց»։
