Եվրոպական խորհրդարանի նախագահ Ռոբերտա Մեցոլան արձագանքել է Իլհամ Ալիևի հեռավար ելույթին, որում քննադատել է ԵԽ-ին՝ Ադրբեջանի դեմ բանաձևեր ընդունելու համար։
Նշենք, որ Երևանում անցկացվող Եվրոպական քաղաքական համայնքի (EPC) 8-րդ գագաթնաժողովին հեռավար ելույթում Ալիևն ասել էր, թե 2021-ի մայիսից մինչև 2026-ի ապրիլի 30-ը Եվրախորհրդարանն ընդունել է Ադրբեջանի դեմ ուղղված 14 բանաձև, որոնք վիրավորանքներ և կեղծ տեղեկատվություն են պարունակում, և այդ պատճառով իրենք կասեցրել են համագործակցությունը։
«ԵԽ-ն ուղղակիորեն ընտրված ներկայացուցիչներով ժողովրդավարական մարմին է, որի բանաձևերն ընդունվում են մեծամասնության միջոցով, և դրա արդյունքները գուցե անհարմարություններ են ստեղծում շատերի համար, բայց մենք երբևէ չենք փոխի մեր աշխատելաձևն ու այն դիրքորոշումը, որ որդեգրում ենք»,- ասել է Մեցոլան:
