«Մենք այսօր բախվում ենք բազմաթիվ ճգնաժամերի և խնդիրն այն է, որ դրանք փոխադարձ վերաբերելի են, փոխկապակցված են և սնում են միմյանց»,- Եվրոպական քաղաքական համայնքի 8-րդ գագաթնաժողովի պանելային քննարկման ժամանակ ասաց Իտալիայի վարչապետ Ջորջա Մելոնին։
Նրա խոսքով, ընդհանուր ճգնաժամի 1-2 հատվածները սպասարկելով՝ հնարավոր չէ այն ամբողջությամբ լուծել։
Մելոնին նկատեց, որ կոնֆլիկտները հանգեցնում են միգրացիաների և դրանց անընդհատ հոսքը նաև սպառնում է քաղաքացիների անվտանգությանը։
«Վտանգվում են նաև պետությունների կայունությունները, դրանք խարխլվում են, այն նաև վտանգի տակ է դնում և սահմանափակվում պետական ռեսուրսները, աշխատատեղերը, ինչը թուլացնում է պետության մրցունակությունը՝ ավելացնելով անորոշությունը, սոցիալական լարվածությունը»,- ասաց Իտալիայի վարչապետը։
Անդրադառնալով էներգետիկայի ոլորտին, նա նշեց որ եվրոպական երկրների համար շատ էներգետիկ հոսքեր գալիս են անկայուն տարածաշրջաններից։
«Սա ի վերջո ազդում է մեր ժողովրդավարությունների որակի վրա և քաղաքացիները հասկանում են, որ կարևորագույն մարտահրավերները չեն հաղթահարվում և կառուցակարգերի նկատմամբ վստահությունը կորում է, մարդիկ դառնում են ավելի խոցելի մանիպուլյացիաների, այդ թվում՝ արհեստական բանականության չարամիտ օգտագործումից»,- ասաց Իտալիայի վարչապետը՝ շարունակելով.
«Միգրացիա, տնտեսություն, ժողովրդավարություն, մրցունակություն, էներգետիկա, անվտանգություն… Եթե մենք սրանցիցի որևէ մեկը դիտարկենք առանձին, կտեսնենք, որ այն հեշտությամբ կարող ենք կապել մյուսներին։ Հնարավոր չէ առճակատվել այս բազմաճգնաժամային իրավիճակի միայն մի հատվածին»․
Նշելով, որ վերջին տարիների փորձը ցույց է տվել, որ ԵՄ-ն կարողանում է արձագանքել ճգնաժամերին՝ ինչպես համարավարկին և Ուկրաինայի դեպքւմ է՝ Իտալիայի վարչապետը շարունակեց.
«Բայց այս կարողությունը պետք է կրկնապատկել, ձևավորել լրացուցիչ կարողություն, որը ոչ թե եղած հիմնախնդիրներին հակազդող կլինի, այլ՝ կանխարգելիչ, նախաձեռնողական։ Սա մեր երկարաժամկետ ռազմավարությունն է, որը պետք է հստակ շեշտ դնի ոչ միայն այս հարցին թեթև նայող ԵՄ երկրներին ներգրավելու ուղղությամբ, այլև մեր աշխարհագրական հարևաններին ավելի ակտիվ ներգրավելու առումով»։
Հավելելով, որ Իտալիայի կարծիքով շեշտը պետք է դնել միջերկրածովյան հարևանության վրա՝ Մելոնին ամփոփոեց իր խոսքը.
«Համատեղելով անվտանգությունը, էներգետիկան և զարգացումները՝ հարևան երկրների հետ համագործակցությունը լավագույն ձևն է արձագանքելու ճգնաժամերին, որոնք բազմաթիվ են, տեղի են ունենում միաժամանակ և ելնում են նույն աղբյուրից»։
