Իշխանությունները 2 տեսակի վախ են տարածում։ Այս մասին նշում է «Միասնության թևեր» կուսակցության վարչապետի թեկնածու Արման Թաթոյանը։
Ըստ նրա, նախ` փորձում են հնարավորինս շատ մարդկանց հեռու պահել ընտրություններից։ Օգտագործվում են տարբեր մեթոդներ՝ ճնշումներ, սպառնալիքներ, աշխատանքից ազատման վախ, անգամ հարազատների վրա ազդելու փորձեր, իսկ ովքեր ունեն փոքր բիզնես, հաճախ հարկայինն է միանում՝ տուգանքների և ստուգումների միջոցով վախեցնելու նպատակով։
Երկրորդ՝ տարածվում է ավելի լայն վախ՝ ամբողջ ժողովրդին սպառնում են, որ եթե Նիկոլ Փաշինյանը չընտրվի, ապա լինելու է պատերազմ։
