ԱԺ նախագահ Ալեն Սիմոնյանն անդրադարձել է Ադրբեջանում պահվող գերիների վերադարձի հարցին։
«Մենք գործ ենք անում։ Եվ այդ գործի հետևանքն այն է, որ արդեն հաստատված ընդամենը 19 հոգի է մնացել Ադրբեջանի բանտերում։ 200 գերուց մնացել է 19-ը։ Թողեք՝ գործ անենք, թողեք՝ այդ մարդկանց հետ բերենք. հերիք է քաղաքական շահարկումներ անեք»,- ասել է նա։
«Հերի՛ք է քաղաքական շահարկումներ անեք գերիների ու անհայտ կորածների ծնողների թեմայով և ավելացնեք մահացածների թիվը։ Դադարեցրե՛ք յուրաքանչյուրի մահվան, դժբախտության ու մարդկանց ցավի վրա միավորներ հավաքելը։ Թո՛ւյլ տվեք՝ հայ ժողովուրդն ապրի, թո՛ւյլ տվեք՝ այս մարդիկ ուրախանան, ժպտան, շրջագայեն աշխարհով մեկ ու իրենց համար լավ բաներ գնեն»,- ընդգծել է ԱԺ նախագահը։
«Հերի՛ք է քաղաքական շահարկումներ անեք գերիների ու անհայտ կորածների ծնողների թեմայով և ավելացնեք մահացածների թիվը։ Դադարեցրե՛ք յուրաքանչյուրի մահվան, դժբախտության ու մարդկանց ցավի վրա միավորներ հավաքելը։ Թո՛ւյլ տվեք՝ հայ ժողովուրդն ապրի, թո՛ւյլ տվեք՝ այս մարդիկ ուրախանան, ժպտան, շրջագայեն աշխարհով մեկ ու իրենց համար լավ բաներ գնեն»,- ընդգծել է ԱԺ նախագահը։
Անդրադառնալով Եվրոպական քաղաքական համայնքի գագաթնաժողովի ժամանակ Ադրբեջանի նախագահ Իլհամ Ալիևի ելույթին՝ նա նշել է, որ Հայաստանի Հանրապետությունն իր շահերն այնքանով է պաշտպանել, որ Ադրբեջանի նախագահը նախ ելույթ է ունենում, և երկրորդ՝ այդ ելույթի ընթացքում խոսում է Հայաստանի ու Ադրբեջանի միջև խաղաղության մասին՝ այն պարագայում, երբ ասվում էր, թե խաղաղություն չի լինելու։
