ԱԺ փոխնախագահ Ռուբեն Ռուբինյանն ասել է, որ «Հայաստան» դաշինքը և նրա ներկայացուցիչները հայտարարում են, թե Հայաստանը չպիտի սահմանափակվի իր 29․743 կմ² տարածքով։
«Նրանք հայտարարում են, որ Ադրբեջանի հետ սահմանազատման հիմքը չպետք է լինի Ալմա-Աթայի հռչակագիրը, և պետք է լինեն այլ սկզբունքներ. մասնավորապես՝ մատնանշում են էթնոգրաֆիական սկզբունքը կամ «սարեր-ձորերի» այլ սկզբունքներ»,- նշել է Ռուբինյանը՝ Արտաքին հետախուզության ծառայության պետ Քրիստինե Գրիգորյանին ուղղված հարցում։
Ռուբինյանը հետաքրքրվել է՝ եթե տեսականորեն որևէ ուժ կիսում է «Հայաստան» դաշինքի առաջարկները, և այդպիսի ուժը գա ու անի այն, ինչ խոստանում է, արդյոք լայնամասշտաբ պատերազմի հավանականությունը կմեծանա՞, թե՞ կփոքրանա։
ԱՀԾ պետ Քրիստինե Գրիգորյանը ևս շեշտեց, որ վերոնշյալ հայտարարություններն ամենապարզ տրամաբանության մեջ խոսում են խաղաղության ճարտարապետությունը քանդելու և կոնֆլիկտին վերադառնալու մասին։
