«Տասնամյակներ, եթե ոչ դարեր շարունակ, մենք միշտ մտածել ենք, որ այս թշնամական իրավիճակում մեզ պետք է ուժեղ մեծ եղբայր, ընկեր, ով կարող է մեզ պաշտպանել»,- «Երևանյան երկխոսություն» միջազգային համաժողովում հայտարարեց ՀՀ ԱԳ նախարար Արարատ Միրզոյանը։
Նա նշեց, որ տեսակետը հիմա փոխվել է. «Երբ ժականակը եկավ, և մենք իսկապես մեծ ընկերոջ պաշտպանության կարիքն ունեքին, այդ օգնությունը չհասավ տեղ և մեծապես փոխեց արտաքին քաղաքականության մեր տեսակետը քաղաքացիների շրջանում, չեմ խոսում քաղաքական կառույցների, քաղաքական էլիտայի շրջանում։
Հիմա, կարծեք, ինչ-որ ձևով հաջողել ենք և ուզում ենք այս ուղղությամբ ընթանալ։ Ինչ-որ կերպ կարողացել ենք քաղաքական, տնտեսական, էներգետիկ առումով մեր կախվածությունը նվազեցնել, մեր փոխկապակցվածությունը մեկ կենտրոնից կարողացել ենք ինչ-որ կերպ նվազեցնել ու դիվերսիֆիկացնել մեր ընկերների թիվը»։
Արարատ Միրզոյանը հայտարարեց, որ Հայաստանը ռազմավարական գործընկերություն է հաստատել Եվրամիության, Չինաստանի, Ղազախստանի հետ. «Մենք շատ սերտ հարաբերություններ ունենք Հնդկաստանի հետ, դեռ մեր ամուր կապերը պահում ենք Ռուսաստանի հետ, բայց նպատակը դիվերսիֆիկացնել այդ շուկաները, ուղիները, կապերը»։
