ԱԺ նախագահ Ալեն Սիմոնյանը, անդրադառնալով երկրորդ նախագահ Ռոբերտ Քոչարյանին, նշել է, որ նրա քաղաքական պայքարը 2018 թվականին ավարտվել է։
«Ձեզ վստահեցնում եմ՝ «Մարտի 1»-ի գործով, անկախ նրանից, թե քննիչները, որոնք հիմա փախած են երկրից, փամփուշտների պարկուճները թաքցրել են, թե չեն թաքցրել, ինչպիսի՞ քաղաքական կոնյուկտուրա եք ուզում ստեղծել նրա շուրջ։ Ռոբերտ Քոչարյանին արդեն երեք լեզվով «Հայր մերը» սովորեցրել եք, նրա շորերը փոխել եք ու բլոգեր դարձրել։ Ես չեմ բացառում, որ նա մի օր կարող է նաև եթերով «էշի նման զռալ», ինչպես ինքն էր ասում, որպեսզի ամեն ինչ անի՝ հայտնվի այստեղ և կարողանա քաղաքական ազդեցություն ունենալ»,- շեշտել է ԱԺ նախագահը։
