ԱՄՆ նախագահ Դոնալդ Թրամփը Truth Social-ի իր էջում հանդես է եկել կոշտ հայտարարությամբ՝ կապված Իրանի հետ ընթացող բանակցությունների և Հորմուզի նեղուցի ապաշրջափակման հետ։
Թրամփը նշել է, որ եթե Թեհրանը կատարի ձեռք բերված նախնական պայմանավորվածությունները, ապա «Էպիկական զայրույթ» (Epic Fury) ռազմագործողությունը վերջնականապես կավարտվի, իսկ նեղուցը բաց կլինի բոլորի, այդ թվում՝ Իրանի համար։ Սակայն նախագահը նաև զգուշացրել է հնարավոր ձախողման հետևանքների մասին.
«Եթե նրանք չհամաձայնեն, ռմբակոծությունները կսկսվեն, և դրանք, ցավոք, կլինեն շատ ավելի բարձր մակարդակի և ինտենսիվության, քան նախկինում էին»։
Թրամփը հավելել է, որ թեև պայմանավորվածությունների կատարումը «մեծ ենթադրություն է», սակայն ԱՄՆ-ն պատրաստ է թե՛ խաղաղության, թե՛ ռազմական գործողությունների ընդլայնմանը՝ կախված Իրանի վերջնական դիրքորոշումից։
