ԱԺ նախագահ Ալեն Սիմոնյանն անդրադարձել է «Ուժեղ Հայաստան» կուսակցության խորհրդի անդամ Նարեկ Կարապետյանի գրառմանը։
«Ուժե՛ղ տղա, առաջարկում եմ գրել՝ ում նկատի ունես՝ ասելով «բախտի բերմամբ ԱԺ նախագահ դարձած», և ում նկատի ունես՝ ասելով, թե օնլայն կազինոներին հովանավոր է կանգնել։ Այդքան ուժեղ ես՝ գրի՛ անունը»,- շեշտել է Ալեն Սիմոնյանը։
Նա Նարեկ Կարապետյանին 24 ժամ ժամանակ է տվել. «Կամ ընդունիր, որ վախենում ես իմ անունը տալ, կամ ընդունիր, որ նկատի ունես «Հանրապետական» կուսակցության ԱԺ այլ նախագահի կամ ուրիշ երկրի նախագահի։ Մի բան հնարեք (վստահ եմ՝ դա ձեզ մոտ կստացվի)՝ մոնտաժեք, կմկմացեք, հրապարակեք»,- հավելել է ԱԺ նախագահը։
