Ռուսաստանահայ գործարար, «Ուժեղ Հայաստան» կուսակցության ղեկավար Սամվել Կարապետյանն ասուլիսի ընթացքում խոսել է ՀՀ առաջին նախագահ Լևոն Տեր-Պետրոսյանի հետ բանակցությունների մասին։ Նա շեշտել է, որ Տեր-Պետրոսյանը փորձառու քաղաքական գործիչ է։
«Մենք բանակցություններ ենք վարել շատ ուժերի հետ, և, ինչպես տեսնում եք, նրանցից շատերի հետ համագործակցության պայմանագրեր ենք ստորագրում։ Ինչ վերաբերում է կոնկրետ այդ ուժին՝ նրանք առաջարկել են իրենց օրակարգը, մենք՝ մերը, և տեսնելով, որ դրանք այնքան էլ չեն համապատասխանում միմյանց՝ գնացինք մեր ճանապարհով»,- ասել է նա։
Նրա խոսքով՝ ընտրություններին բոլորն են մասնակցում. «Բայց վստահ եմ՝ ինչ-որ պահի բոլորը ճիշտ կգնահատեն իրենց ուժերը, որովհետև ընտրությունների սկզբում շատ ուժեր գերագնահատում են իրենց հնարավորությունները»,- նշել է Սամվել Կարապետյանը
